HØSTAKTIVITETAR

Hausten er ei flott årstid både på fjellet, i skogen, ved havet og i klatrefeltet. Om vèret skulle bli for trasig brukar vi gymsalen. Dei flotte fjella vi har rundt oss i Ørsta når vi med enten å gå, eller å bruke sykkel. Næraste nabo til skulen vår er Saudehornet, 1303 m.o.h. Frå toppen nyt vi ei fantatisk utsikt med stupbratte fjellsider rundt oss. Det kan og bli ein fottur i Tafjordfjella, der vi går frå hytte til hytte. Når vi er saman på tur opplevast fellesskapet, venskapet, naturopplevingane og ikkje minst kjensla av meistring direkte på kroppen. 

Vi tek oss turar med havkajakkane, eller tek med klatreutstyret til "kyrkjesteinen" eller "øvrefeltet". Klatresiloen i Volda vert og flittig brukt.

Sykling er ein fin aktivitet der vi får masse flotte opplevingar saman, inga forureining men betring av kondisjon.

Vi tar oss ein tur til fredelege Yksnøya. Der senkar vi skuldrane frå mas og kjas og lærer litt om kystfriluftsliv. Du får være med å sette garn, krabbe/hummarteine, fiske, rake krabbe, ro færing, tilberede fisk o.a frå havet og lage dei deiligaste gourmetrettane på bål. Vi bur i militære lagstelt med vedovn. Vi tek med oss våtdraktar og ABC utstyr og nyttar muligheita til snorkling og fridykking i krystallklart vatn. Her er det bere godt å være. Kom og vær med!

Du har no fått ein liten smakebit av ulike aktivitetar om hausten presentert i billedform. Kanskje blir du med på orientering både til fots og på sykkel, kanskje ein tur til Hoddevika for å prøve balansekunsten på surfebrett. Grottevandring i Dollsteinhola er òg noko du kan få sjanse til å oppleve. Ein del aktivitetar i gymsalen, som t.d. ulike ballspel, litt kondisjon - styrke og uthaldenhetstrening, vil nok òg stå på programmet. Vi har òg nokre timar med felleopplegg for heile skulen, og eit stort utval med valfag.   

Ved spørsmål om linja kontakt skulen her.

Lærer 2010/ 2011:Christian Howlid