I tillegg til å vere ei linje med fokus på bistand både før og under utanlandsopphaldet, skal Adventura Afrika drive variert friluftsliv i naturen på Sunnmøre. Det vert vandringar i høgfjellet, skiturar, padling, klatring og fisking for å nemne noko. Variasjon med open himmel, telt, bustad i snø og hytte til hytte. Vi har ein pedagogisk tilnærming slik at progresjonen og meistringa går i takt med utviklinga av året.
Noko av tida på linja går med til å gjere diverse jobbar for å kunne ta med ein stolt sum  til det sørlege Afrika. Der får vi sjølv bruke pengar på mat som vi delar ut på barneheimar og matereale som vi bygger hus med. Slik hindrar vi mellomledd og pengane blir brukt hos dei lokale.

For å søkje Adventura Afrika treng ein ingen forkunnskap innan aktivitetane vi er innom, du møter som du er, open og klar for å få innblikk i nye tema og aktivitetar. Om du har erfaring med noko er dette ein gylden moglegheit til å få spissa kunnskapen din og kanskje bidra i gruppa.

Linjelærar for kullet 2013/14 er 30 år, friluftslivspedagog, instruktør i surfing, ski og klatring, glad i den gode samtalen og har ei interesse for teatersport.
I eit trygt og godt klassemiljø blir undervisninga tilrettelagt for at ein skal få den gode introduksjonen til nye aktivitetar og haldningar, samt å få gode erfaringane med seg i bagasjen vidare.