FØLG HÅPSKULEPROSJEKTET I SOSIALE MEDIER: Følg prosjektet på Facebook    Sjå film om  håpskolen     Møre folkehøgskule gir hjelp til fattige barneskoler i Kina- vil du støtte? Lilong håpskule   Møre Folkehøgskule starta hausten 2003 eit hjelpeprosjekt der vi gir støtte til Lilong barneskule i landsbyen Baisha i Sør-Kina. Prosjektet går i hovudsak ut på å støtte Lilong håpskule økonomisk ved å gi hjelp til konkrete prosjekt ved skulen prioritert av rektor og lærarpersonell, samt å støtte enkeltelevar med nødvendig skulemateriell.    På Møre Folkehøgskule har vi ei linje som heiter Kina- Midtens rike der deler av undervisninga går ut på å lære om, og samle inn pengar til Lilong barneskule. Dette gjer vi mellom anna ved å pante flasker, selje julekort og arrangere tombola. Vi har også faste bidragsytarar mellom noverande og tidlegare elevar, personale og reisekursdeltakarar ved Møre Folkehøgskule. Litt om Lilong Håp skule: Lilong håpskule er ein barneskule med 200 elevar og totalt 12 tilsette på skulen. Skulen ligg i eit av dei fattigaste områda i Kina og alle elevar kjem frå familiar med stor fattigdom. Skulen hadde i 2003 ingen form for utstyr eller læremiddel utanom tavle og kritt som dei har på kvart klasserom. På klasseromma er der ulakka, heimesnekra bord og smale benkar. Klasseromma har ingen form for oppvarming eller avkjøling, sjølv om det om vinteren kan vere minus grader og det kan vere opp mot 40 grader på den varme årstid. I 2003 mottok skulen brukt papir av eit firma i nærleiken, slik at elevane kunne bruke dette til å skrive på baksida av papiret som skrivepapir. Fram til no har Møre Folkehøgskule samla inn og gitt, ca. 100 000 kroner til Lilong Håpskule. Møre Folkehøgskule sitt hjelpearbeid: Skulen har gjennom mange år søkt den Kinesiske stat og eit privat oppretta Håpskule-prosjekt om hjelp, men har berre mottatt minimal støtte. Likevel er både den nasjonale og lokale støtta og interesse for skulen, betydeleg auka etter at Møre Folkehøgskule starta sitt hjelpeprosjekt.   Hovedsatsinga har vore skulemateriell - alle elevar har fått tilgang til kladdebøker og penal med enkle reiskap som blyant, viskelêr og fargestiftar. Lærarane har fått tilgang til litt undervisningsmateriell og skulen har fått opparbeida eit bibliotek med ca 1200 bøker. Det er kjøpt inn ein del sportsutstyr som ballar og bordtennis utstyr og ein del enkle musikkinstrument.   Lilong håpskule sender faste rapporter og rekneskap til Møre Folkehøgskule, og både elevane ved Kina- Midtens Rike og reisekursa på skulen, reiser årlig på besøk. Elevane ved Kina - Midtens rike brukar fleire dagar ved skulen og hjelper til med diverse restaurering og vedlikehald. Litt om organiseringa av prosjektet: Møre Folkehøgskule har gjort avtale med Lilong Håp skule slik at pengar til prosjektet vert sendt til og administrert av skulen. Summen vert fullt ut overført til skulen. Møre Folkehøgskule tek ingen administrasjonsgebyr. Lilong Håp skule kan disponere dei generelle midlane til prioriterte skuleprosjekt, mens pengar gitt til eit enkelt barn fullt ut skal kome dette barnet til gode. Lilong Håp skule vil sende fast rapport og rekneskap til Møre Folkehøgskule. Lilong Håp skule har tatt på seg ansvar for administrering av midlar gitt til enkeltbarn. Dei vil sørge for innkjøp av arbeidsmateriell, nødvendig utstyr og evt andre heilt nødvendige ting barnet måtte trenge og som der finst dekning for. Litt om det praktiske: Om du ønskjer å støtte prosjektet har vi ein konto for dette - Lilong Håp skule ved Møre folkehøgskule konto 3992 04 69071.Merk innbetalinga med kva eller kven pengane skal gå til. Om du vil adoptere eit enkeltbarn treng vi vite kor lang tid du vil binde deg for. Du kan velje å betale inn beløpet månadsvis eller for ein lenger periode om gangen. Om du ønskjer sende litt ekstra, er dette muleg. Du merkar innbetalinga eller gir oss melding så vil me formidle dette til skulen. Opplæring og skulegang er den einaste vegen ut av fattigdom og ikkje minst gir det eit håp for framtida og ein god barndom. Vi har sterk tru på at slik hjelp nyttar og er ein sikker veg mot ei positiv utvikling. Vi tek imot all støtte med takk. Vi ser det som eit stort privilegium å få gå inn som sollys frå himmelen og spre glede og optimisme i ein heilt vanleg kvardag der draumen består av ønsket om å lære. Vennlig helsing   Møre Folkehøgskole og elevane på Kina- Midtens rike Møre Folkehøgskule 26.03. 2004 Odd Steinvåg For meir informasjon, kontakt : Kontoret ved Møre folkehøgskule: telefon 70 04 19 99 E-post : kontor@more.fhs.no Klikk her og les om oppdatert informasjon om prosjektet. På www.facebook.com/hapskolen finner du også mer informasjon om hva vi har gjort til nå.